VIDEA ź pieršych «Chutkich spatkańniaŭ pa-biełarusku»
Jany prajšli 30 kastryčnika ŭ bary «DK».
30 kastryčnika ŭ bary «DK» prajšli chutkija spatkańni pa-biełarusku.
Arhanizatary praviali pieršyja chutkija spatkańni ŭ testavym režymie, ale zajavili, što takoha kštałtu mierapryjemstvy buduć praciahvacca i dalej. Płanujecca padbor udzielnikaŭ pa roznym uzroście. Hetym razam havorka išła pra 18—25 hod.
Jakimi ž moładź bačyć ideały biełaruskamoŭnych ludziej? Hladzicie adkazy ŭ repartažy NN
Speed dating («Chutkija spatkańni») — farmat viečarynak mini-spatkańniaŭ, arhanizavanych z metaj paznajomić ludziej adzin z adnym.
Udzielnikaŭ, jak praviła, padbirajuć pa raŭnavartych sacyjalnych hrupach. Niekatoryja arhanizatary ŭvodziać ŭzrostavyja abmiežavańni. Na kłasičnym śpid-diejtynh spatkańni kožny ŭdzielnik budzie mieć 10—15 sustreč tet-a-tet z pradstaŭnikami supraćlehłaha połu. Dziaŭčaty raźmiaščajucca za stolikami z numarami. Mužčyny praz kožnyja 3-7 chvilin paśladoŭna pierasadžvajucca ad adnoj dziaŭčyny da inšaj. Paśla kožnaj sustrečy hości adznačajuć svaje ŭražańni ab surazmoŭcy ŭ «mapie simpatyj» ci naŭprost abmieńvajucca kantaktami. Dalej arhanizatary paraŭnoŭvajuć «mapy simpatyj», i, u vypadku supadzieńnia «+», dasyłajuć kantakty ŭdzielnikam.