Michaś Skobła. Adkaz kardynała

Babuli try, dziadok i maładzica
Pryjšli da kardynała na pryjmo.
– Vialebny, nam nia jesca i nia śpicca –
Na ruskaj movie chočam my malicca,
Na movie inšaj rady nie damo!

Pasłaŭ nas ksiondz, i chram u nas jość novy,
I na ałtar sabrali kapitał…
– Vaš ksiondz – taki lubiciel ruskaj movy? –
Spytaŭsia, pamaŭčaŭšy, kardynał.

– O, Vaša eminencyja, lubiciel!
A ŭ movie biełaruskaj – ni hu-hu.
Dy dbaje tak pra našuju abiciel…
I kardynał skazaŭ: – Dapamahu.

A što dalej? Chram uzvyšaŭsia novy,
U im žyli malitva i luboŭ.
A mienski ksiondz, amatar ruskaj movy,
Słužyć pajechaŭ niekudy ŭ Tamboŭ.

0

0

0

0

0

0