Pryčynaj hibieli šefa Total u Maskvie byŭ pjany kiroŭca śniehaŭboračnaj mašyny
Kiroŭca śniehaŭboračnaj mašyny, u jakuju ŭrezaŭsia samalot biźnies-avijacyi Falcon u aeraporcie Unukava, byŭ pjany. Heta paviedamiła pres-słužba Śledčaha kamiteta Rasii.
«Užo ŭstanoŭlena, što vadziciel śniehaŭboračnaj mašyny znachodziŭsia ŭ stanie ałkaholnaha apjanieńnia», — raspavioŭ jaje staršynia Uładzimir Markin.
Jon taksama adznačyŭ, što, mahčyma, ad vykanańnia abaviazkaŭ na pieryjad rasśledavańnia kryminalnaj spravy buduć adchilenyja šerah supracoŭnikaŭ Unukava.
U toj ža čas advakat kiroŭcy Alaksandr Karabanaŭ śćviardžaje, što jaho padabaronny nie pje zusim.
Pavodle papiarednich źviestak, u noč na 21 kastryčnika pry ŭźlocie ŭ aeraporcie Unukava-3 čatyrochmiascovy samalot Falcon (jaki vylataŭ u Paryž) začapiŭ aŭtamabil śpiectechniki, zahareŭsia i ŭpaŭ na ŭźlotna-pasadačnuju pałasu.
Na borcie samalota znachodzilisia adzin pasažyr, prezident francuzskaj naftavaj kampanii Total Krystof de Maržery, i try členy ekipaža. Usie jany zahinuli.