Advakat kiroŭcy śniehaŭboračnika: Moj padabaronny nie pje zusim
Kiroŭca śniehaŭboračnaj mašyny Uładzimir Martynienkaŭ, ź jakoj sutyknuŭsia samalot Falcon 50 (u vyniku jakoj zahinuŭ kiraŭnik kampanii Total Krystof de Maržery) u aeraporcie Unukava ŭ Maskvie, nie ŭžyvaje śpirtnyja napoi, paviedamlaje «Interfaks» sa spasyłkaj na advakata Alaksandra Karabanava.
«Moj padabaronny pakutuje chraničnym zachvorvańniem serca, jon nie pje zusim, heta mohuć paćvierdzić i svajaki, i daktary», - zajaviŭ advakat. «U momant nadzvyčajnaha zdareńnia jon byŭ ćviarozy», - padkreśliŭ Alaksandr Karabanaŭ.
Advakat dadaŭ, što da abarony Uładzimira Martynienkava budzie pryciahnutaja vialikaja hrupa abaroncaŭ. «My nie chočam, kab adkaznaść za nadzvyčajnaje zdareńnie pierakładali na prostaha čałavieka», —skazaŭ jon.
Raniej aficyjny pradstaŭnik Śledčaha kamiteta Rasii Uładzimir Markin paviedamiŭ, što zatrymany kiroŭca śniehaŭboračnaj aŭtamabila znachodziŭsia, pavodle papiarednich źviestak, u stanie apjanieńnia.