Najlepšyja aŭtamabili z aŭtamatyčnymi tranśmisijami
Kupla aŭtamabila z aŭtamatyčnaj karobkaj pieradač maje sens, kali kožny dzień davodzicca prajazdžać vialikija adlehłaści ŭ horadzie, dzie pastajanna davodzicca spyniacca na skryžavańniach, śviatłaforach.
Kali ŭ minułym aŭtamatyčnyja karobki byli praktyčna sinonimami vysokaha raschodu paliva i nizkaj pradukcyjnaści, to apošnija viersii aŭtamabilaŭ z AKPP i asabliva DSG ničym nie sastupajuć, a to i pieraŭzychodziać miechaničnyja karobki ŭ ekanamičnaści.
Partał sarbuyer.co.uk abraŭ lepšyja ŭ svaim kłasie aŭtamabili, abstalavanyja AKPP, jakija prapanujuć aptymalnaja suadnosiny koštu, jakaści, ekanamičnaści i robiać praces kiravańnia aŭtamabila maksimalna kamfortnym.
1. SEAT Leon hatchback
SEAT Leon, abstalavany bienzinavym ruchavikom 1,2 TSI, — adzin ź lepšych aŭtamabilaŭ z aŭtamatyčnaj tranśmisijaj. Aŭtamabil kamplektujecca siamistupienievaj karobkaj DSG.
«Robat» adroźnivajecca trochi bolšaj ekanamičnaściu, čym miechanika, spažyvajučy ŭ siarednim 3,99 ł/100 km. SEAT Leon nazvany «Siamiejnym aŭtamabilem — 2014», tamu što jon zručny dla padarožžaŭ, maje prastorny interjer i vydatna rulicca. Taksama jon značna tańniejšy za Volkswagen Golf, na bazie jakoha i stvorany.
2. Ford Fiesta hatchback
Ford Fiesta — jašče adzin pieramožca premii «Aŭtamabil hoda». Mašynaj pryjemna kiravać: u hetym niemałaja zasłuha tranśmisii PowerShift, jana ŭ spakojnym režymie pracuje razumna, biez ryŭkoŭ pieraklučajučy pieradačy. Ručny režym dazvalaje damahčysia ad aŭtamabila toj ža spahadlivaści, što i ŭ «miechanicy». Samaj papularnaj stała viersija z ruchavikom abjomam 1,0 ł EcoBoost, mahutnaściu 125 ł.z. i paliŭnym pakazčykam 4,13 ł/100 km.
3. Skoda Yeti SUV
Skoda Yeti — adzin z najlepšych paŭnapryvadnych aŭtamabilaŭ: jon prastorny, maje funkcyjanalny interjer i na vybar pakupnika prapanujecca ŭ poŭna- ci piaredniepryvadnym varyjancie. Abstalavany siamistupienievaj tranśmisijaj DSG, Yeti raduje ŭładalnika płyŭnym pieraklučeńniem pieradač i značnaj ekanomijaj paliva — 4,8 ł/100 km, a taksama enierhajomistaj padvieskaj, jakaja dobra «pahłynaje» jamy i vyboiny.
4. Porsche Boxster roadster
Porsche Boxster maje vydatnuju kiravalnaść. Aŭtamabil kamplektujecca presielektyŭnaj tranśmisijaj PDK, ź jakoj jon raźmieńvaje pieršuju «sotniu» za 5,7 siekuundy. Mašyna nikoli nie była praktyčnaj: bahažnyja adsieki, jakich dva, prapanujuć nie tak šmat volnaj prastory. Ale kaho heta chvaluje, kali hałoŭnaje pryznačeńnie Boxster — heta drajv! Rodster navat z padniatym dacham dastatkova cichi, a madernizavanaja karobka PDK idealna pracuje ŭ lubym rytmie.
5. BMW 1 Series hatchback
Bolšaść BMW 1 Series mohuć kamplektavacca aŭtamatyčnymi tranśmisijami, navat «zaradžanyja» BMW M135i. Viadoma, takaja opcyja, jak vaśmistupienievaja AKPP, darahoje zadavalnieńnie — $ 2500, ale jana robić chetčbek adnym z samych lepšych u prodažach siarod adnakłaśnikaŭ pa paliŭnaj efiektyŭnaści.
6. Jaguar XF saloon
Jaguar XF vyhladaje pyšna jak znutry, tak i zvonku. Vytančany dyzajn, jakasnaje azdableńnie sałona, pryjemnyja drobiazi, nakštałt šajby pieraklučeńnia režymaŭ AKPP, jakaja płaŭna vyjazdžaje z paneli pamiž piarednimi siadzieńniami, robiać hety aŭtamabil vyklučna pryjemnym ŭ ekspłuatacyi. 8-AKPP pavarotlivaja, pieraklučeńni praktyčna nie zaŭvažnyja, a mahutnaści trochlitrovaha dyziela chapaje dla zadavalnieńnia lubych drajvierskich ambicyj. Pry hetym raschod — 4,99 ł/100km.
7. Volkswagen Polo hatchback
Abstalavany siamistupienievaj tranśmisijaj DSG, Volkswagen Polo 1.4-litre TSI bolš ekanamičny za anałahičnuju madel, abstalavanuju «miechanikaj». «Robat» razhružaje kiroŭcu ŭ haradskim ruchu i hetak ža dobra na aŭtastradzie, dzie siomaja pieradača dapamahaje źnizić raschod paliva, dy i ruchavik pracuje cišej. Volkswagen Polo vydatna padychodzić dla pajezdak, ale nie prynosić stolki pryjemnych emocyj ad kiravańnia, jak Ford Fiesta.
8. Range Rover Evoque SUV
Range Rover Evoque abstaloŭvajecca dzieviacistupienievaj aŭtamatyčnaj karobkaj pieradač ad niamieckaj kampanii ZF, dziakujučy jakoj raschod składaje ŭsiaho 5ł/100km. Na darozie aŭtamabil pasłuźmiana słuchajecca rula, a jaho padvieska vydatna pahłynaje ŭsie niaroŭnaści. Najaŭnaść piacidźviernaj viersii robić hety aŭtamabil niadrennym varyjantam dla tych, chto šukaje siamiejny SUV sa spartovym charaktaram.
9. Mercedes E-Class saloon
Mercedes E350 CDI diesel prapanuje vydatnaje spałučeńnie pradukcyjnaści i ekanamičnaści, jakija ŭ niemałoj stupieni zabiaśpiečvajucca siamistupienievaj aŭtamatyčnaj karobkaj pieradač. Aŭtamabil prapanuje šmat volnaha miesca dla piarednich i zadnich pasažyraŭ, u im šmat usialakich dadatkovych niš dla zachoŭvańnia ŭsialakaj drobiazi. Miakkaja padvieska i vydatnaja šumaizalacyja dazvalajuć paraŭnać hety aŭtamabil pa kamforcie ź jachtaj. Spartyŭny charaktar u mašyny taksama prysutničaje: da «sotni» jon razhaniajecca za 6,6 siekundy, a siaredni raschod paliva nabližajecca da 5,1 ł/100 km.
10. Lexus IS saloon
Lexus IS300h — adziny hibrydny aŭtamabil u śpisie, jaho 2,5-litrovy mator pracuje ŭ pary z elektraruchavikom. Lexus IS300h kamplektujecca varyjataram CVT, davoli šumnym ŭ pracy. Z adnaho boku, niepryjemna, kali sałon napaŭniajecca hudam, z druhoha — heta dazvalaje adčuvać chutkaść. Padvieska IS300h vyšejšaja za ŭsiakuju pachvału, aŭtamabil nie prosta jedzie pa darozie, jon płyvie.
