«Łajfńjuz» pra ŭkrainski ściah nad Maskvoj — vandały! złamyśniki! chulihany!
«Na stalinskoj vysotkie v Moskvie vandały vyviesili fłah Ukrainy», — takim zahałoŭkam adyjozny rasijski sajt «Łajfńjuz» adreahavaŭ na ranišniuju navinu. Aŭtary nie škadavali epitetaŭ dla tych, chto apahaniŭ śviatoje miesca, zbudavanaje pad kantrolem Bieryi. U padzahałoŭku adznačajecca, što «złoumyšleńniki vykrasili v sinie-žiełtyj ćviet źviezdu» na tym domie. Dalej aŭtar materyjała zadajecca pytańniem, jak «chulihany» trapili ŭ elitny budynak na Kacielnickaj nabiarežnaj. Vykazvajecca navat mierkavańnie, što praz šachtu lifta. Viersija «vozmožno, oni tam živut» nie prahučała, choć vyhladała b łahičnaj. Viersija «priletieli na letajuŝiej tariełkie iz Vašinhtona», da honaru «Łajfńjusa», taksama adsutničaje.
U najbližejšy čas, zapeŭnivaje «Łajfńjuz», pačniecca demantaž ściaha i «viartańnie zorcy pieršapačatkovaha koleru», a pakul pravaachoŭniki «vyvučajuć miesca zdareńnia». Vidać, stajać la 176-mietrovaj paruhanaj śviatyni i pichajuć adzin adnaho łokciami: «leź ty!» «sam leź!»
