Будаўніцтва завода па вырабе беларускай вакцыны ад кавіду спынілі
Пра тое, што завод, які ствараўся ў рамках праекта па рэканструкцыі прадпрыемства «БелВітУніфарм», размешчанага ў вёсцы Доўжа пад Віцебскам, ужо не будуецца, даведаўся тэлеграм-канал «Белыя халаты».
Пасля будаўніцтва першай лініі працэс спыніўся з-за адсутнасці фінансавання, пішуць «Белыя халаты».
Што да самой вакцыны, то яна нібыта прайшла толькі другі этап клінічных выпрабаванняў, пры гэтым усё трымаецца ў строгай сакрэтнасці. Пры гэтым, паводле апытаных медыкаў, удзельнікаў эксперыменту, якім уводзілі гэтыя вакцыны, прэвентыўна шпіталізавалі, чаго нібыта ніколі не робіцца пры выпрабаванні вакцын.
На стварэнне айчыннай вакцыны ад кавіду Беларусь дагэтуль ужо выдзеліла больш за 30 мільёнаў долараў.
Чытайце таксама:
За час пандэміі кавіду звёўся адзін са штамаў грыпу
«У маім калектыве з 20 чалавек прышчэпку зрабілі два — астатнія вакцыны вылілі ва ўмывальнік»
