Японцы спрабавалі запусціць прыватную касмічную ракету, але яна ўзарвалася
Касмічная ракета Kairos-1 прыватнай японскай кампаніі Space One выбухнула адразу пасля запуску. У Японіі штучны спадарожнік прыватнай кампаніі спрабавалі запусціць упершыню.
Скрыншот з відэа
Даўжыня гэтай ракеты была каля 18 м, і яна мусіла даставіць на арбіту эксперыментальны апарат для замены разведвальных спадарожнікаў на выпадак, калі яны выйдуць з ладу.
Увогуле запуск спачатку планаваўся на 9 сакавіка, але яго перанеслі, бо ў акваторыю, якая лічылася зонай павышанай небяспекі, увайшоў карабель.
Space One павінна была стаць першай японскай прыватнай кампаніяй, якая вывела спадарожнік на арбіту.
Распрацоўшчыкі Kairos-1 патлумачылі, што ў ракету на выпадак адхілення ад зададзенай траекторыі, хуткасці альбо пры памылцы ў сістэме кіравання была закладзеная функцыя самазнішчэння. Акурат яна і спрацавала ўсяго праз 5 секундаў пасля запуску. Што стала прычынаю гэтага канкрэтнага інцыдэнту — пакуль не паведамляецца.
Чытайце таксама:
Расія збіраецца вывесці ядзерную зброю ў космас
Стала вядомая чарговая дата, калі беларуску маюць запусціць у космас
Белы дом пацвердзіў наяўнасць пагрозы з боку Расіі ў космасе
