Спецслужбы ДНР назвалі заказчыка забойства Гіві і Матаролы
У «Міністэрстве дзяржаўнай бяспекі» самаабвешчанай Данецкай народнай рэспублікі назвалі імя заказчыка забойства двух камандзіраў атрадаў баевікоў — Арсена Паўлава (Маторолы) і Міхаіла Талстых (Гіві), паведамляюць СМІ са спасылкай на прэс-сакратара МДБ ДНР Марыю Пятрову.
Паводле яе слоў, гэта кіраўнік дэпартамента контрразведкі Службы бяспекі Украіны Аляксей Пятроў. У спецслужбе ДНР сцвярджаюць, што ў гэтым дэпартаменце ёсць створаныя пры фінансавай падтрымцы з ЗША падраздзяленні для вядзення «тэрарыстычнай вайны» супраць Данбаса.
«Нам вядома, што Аляксей Пятроў, будучы намеснікам начальніка контрвыведкі СБУ, адказваў за фарміраванне і працу такіх падраздзяленняў, у тым ліку падрыхтоўку дыверсійных груп для здзяйснення тэрарыстычных актаў на нашай тэрыторыі», - сказала Пятрова.
Яна дадала, што 14 лютага 2017 года, неўзабаве пасля забойства Гіві ўкраінскі прэзідэнт Пятро Парашэнка прызначыў Пятрова кіраўніком дэпартамента контрразведкі «за заслугі апошняга перад украінскай уладай».