Адзіную лёгкаатлетку з Расіі Дар'ю Клішыну ў апошні момант адхілілі ад Гульняў-2016
Яе апеляцыю разгледзяць цягам 24 гадзін.
Дар'я Клішына, адзіная расійская лёгкаатлетка, якую дапусцілі да ўдзелу ў Алімпійскіх гульнях у Рыа, будзе адхіленая ад Гульняў, а рашэнне ІААФ пра яе допуск перагледжана.
Як стала вядома Sovsport.ru, камісія ІААФ па барацьбе з допінгам, вывучыўшы прадстаўленую камісіяй Макларэна інфармацыю, звязаную з Дар'яй Клішынай, вырашыла перагледзець сваё ж рашэнне пра яе допуск ад 9 ліпеня. ІААФ прапанавала Клішынай даць свае тлумачэнні. Прадстаўнікі спартсменкі перадалі ўсе неабходныя тлумачэнні ў ІААФ яшчэ 8 жніўня, аднак 10 жніўня камісія ІААФ па барацьбе з допінгам прызнала іх недастатковымі і міжнародная федэрацыя вырашыла не дапусціць яе да ўдзелу ў спаборніцтвах у Рыа.
12 жніўня матывацыйная частка рашэння была перададзена прадстаўнікам Клішынай. Сёння спартсменка падала апеляцыю ў спартыўны арбітражны суд (CAS) аб прызнанні незаконным яе нядопуск на Алімпіяду.
Рашэнне аб тым, пазбаўляць ці не алімпійскай акрэдытацыі Дар'ю Клішыну, мае быць прынята цягам бліжэйшых 24 гадзін.
