У Баранавічах 16-гадовая ліцэістка выпіла і ўпала ў шахту ліфта: яна ў рэанімацыі
16-гадовая дзяўчына атрымала сур'ёзныя траўмы галавы пасля падзення з вышыні чацвёртага паверха.
У ноч на 18 ліпеня дзве непаўналетнія сяброўкі забраліся ў недабудаваны будынак, каб выпіць піва. Адна з іх на час адлучылася — меркавана, па малой патрэбе. Па дарозе назад яна правалілася ў шахту ліфта, паведамілі ў СК.
Сяброўка паспяшалася да пацярпелай і выклікала на месца медыкаў. Брыгада «хуткай» забрала дзяўчыну ў рэанімацыйнае аддзяленне бальніцы. У яе дыягнаставалі чэрапна-мазгавую траўму, пералом ключыцы, раны.
Пацярпелая жыве ў Баранавічах і вучыцца на 2-м курсе прафесійнага ліцэя. На прафілактычных уліках яна не стаіць.
Тэрыторыя, дзе адбылося здарэнне, часткова абгароджана, аховы і асвятлення няма.
0
0
0
0
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера