U Baranavičach 16-hadovaja liceistka vypiła i ŭpała ŭ šachtu lifta: jana ŭ reanimacyi
16-hadovaja dziaŭčyna atrymała surjoznyja traŭmy hałavy paśla padzieńnia z vyšyni čaćviortaha paviercha.
U noč na 18 lipienia dźvie niepaŭnaletnija siabroŭki zabralisia ŭ niedabudavany budynak, kab vypić piva. Adna ź ich na čas adłučyłasia — mierkavana, pa małoj patrebie. Pa darozie nazad jana pravaliłasia ŭ šachtu lifta, paviedamili ŭ SK.
Siabroŭka paśpiašałasia da paciarpiełaj i vyklikała na miesca miedykaŭ. Bryhada «chutkaj» zabrała dziaŭčynu ŭ reanimacyjnaje adździaleńnie balnicy. U jaje dyjahnastavali čerapna-mazhavuju traŭmu, pierałom klučycy, rany.
Paciarpiełaja žyvie ŭ Baranavičach i vučycca na 2-m kursie prafiesijnaha liceja. Na prafiłaktyčnych ulikach jana nie staić.
Terytoryja, dzie adbyłosia zdareńnie, častkova abharodžana, achovy i aśviatleńnia niama.
