Беларуску згвалтавалі на Балі, падазраецца расеец
Інданезійская паліцыя затрымала грамадзяніна Расіі Антона Сімутава па падазрэнні ў згвалтаванні 30-гадовай беларускі. Гэта адбылося на адной з вілаў у раёне Чангу на Балі ўвечары 19 красавіка, піша Reform.news на падставе паведамлення мясцовага выдання Radar Bali.
Антон Сімутаў. Фота: radarbali.jawapos.com
Беларуска заявіла, што яе «трымалі ў палоне, пагражалі і здзекаваліся, а затым згвалтавалі». Паліцыя вядзе расследаванне. Акрамя згвалтавання, расейца падазраюць і ў падпале вілы, учыненым 23 красавіка ў вёсцы Чамагі.
Яго затрымалі на наступны дзень, 24 красавіка, і адправілі на псіхіятрычную экспертызу, паколькі мужчына даваў паліцыі бязладныя адказы і «паводзіў сябе як вар'ят». 26 красавіка ён збег з бальніцы, голымі рукамі пагнуўшы краты на вокнах. Яго паўторна затрымалі ўвечары 28 красавіка на віле, дзе ён хаваўся.
Расеец прызнаўся, што ён прыкідваўся вар'ятам, каб пазбегнуць пакарання, і пакінуў бальніцу, каб з'ехаць у Расію.
Антон Сімутаў — заснавальнік сеткі кальянных «Ферамон» у Санкт-Пецярбургу. Як піша BAZA, на Балі ён арганізаваў «нешта накшталт секты, дзе лічыцца напаўбогам і альфа-самцом».
Чытайце таксама:
Прысуджаны да 25 гадоў калоніі за канібалізм валгаградзец з'ехаў на вайну з Украінай
Суд у Нью-Ёрку адмяніў прысуд Харві Вайнштэйну, якога абвінавачвалі ў згвалтаванні
