Biełarusku zhvałtavali na Bali, padazrajecca rasiejec
Indaniezijskaja palicyja zatrymała hramadzianina Rasii Antona Simutava pa padazreńni ŭ zhvałtavańni 30-hadovaj biełaruski. Heta adbyłosia na adnoj ź viłaŭ u rajonie Čanhu na Bali ŭviečary 19 krasavika, piša Reform.news na padstavie paviedamleńnia miascovaha vydańnia Radar Bali.
Anton Simutaŭ. Fota: radarbali.jawapos.com
Biełaruska zajaviła, što jaje «trymali ŭ pałonie, pahražali i ździekavalisia, a zatym zhvałtavali». Palicyja viadzie rasśledavańnie. Akramia zhvałtavańnia, rasiejca padazrajuć i ŭ padpale viły, učynienym 23 krasavika ŭ vioscy Čamahi.
Jaho zatrymali na nastupny dzień, 24 krasavika, i adpravili na psichijatryčnuju ekśpiertyzu, pakolki mužčyna davaŭ palicyi biazładnyja adkazy i «pavodziŭ siabie jak varjat». 26 krasavika jon źbieh z balnicy, hołymi rukami pahnuŭšy kraty na voknach. Jaho paŭtorna zatrymali ŭviečary 28 krasavika na vile, dzie jon chavaŭsia.
Rasiejec pryznaŭsia, što jon prykidvaŭsia varjatam, kab paźbiehnuć pakarańnia, i pakinuŭ balnicu, kab źjechać u Rasiju.
Anton Simutaŭ — zasnavalnik sietki kaljannych «Fieramon» u Sankt-Pieciarburhu. Jak piša BAZA, na Bali jon arhanizavaŭ «niešta nakštałt siekty, dzie ličycca napaŭboham i alfa-samcom».
Čytajcie taksama:
Prysudžany da 25 hadoŭ kałonii za kanibalizm vałhahradziec źjechaŭ na vajnu z Ukrainaj
Sud u Ńju-Jorku admianiŭ prysud Charvi Vajnštejnu, jakoha abvinavačvali ŭ zhvałtavańni
