Стала вядома, калі «Паланэзы» паступяць на ўзбраенне ў беларускую армію
Рэактыўная сістэма залпавага агню (РСЗА) «Паланэз» ужо ў ліпені паступіць на ўзбраенне беларускай арміі.
РСЗА «Паланзз» падчас парада 3 ліпеня, фота БелТА.
Пра гэта паведаміў сёння журналістам начальнік ракетных войскаў і артылерыі Узброеных Сіл — начальнік упраўлення ракетных войскаў і артылерыі Генеральнага штаба Генадзь Казлоўскі.
Па словах Генадзя Казлоўскага, цяпер ідзе працэс перадачы рэактыўнай сістэмы Узброеных Сіл, «Паланэз» дапрацоўваецца з улікам патрабаванняў і пажаданняў заказчыка.
«17 ліпеня Узброеныя Сілы прымаюць на ўзбраенне гэты комплекс», - сказаў ён.
Начальнік ракетных войскаў і артылерыі адзначыў, што распрацоўшчыкі працягнуць працу над дакладнасцю стральбы з РСЗА «Паланэз».
Рэактыўная сістэма залпавага агню «Паланэз» прызначана для паразы адкрыта размешчанай і накрытай жывой сілы, небраніраванай і браніраванай ваеннай і вайскова-спецыяльнай тэхнікі, артылерыі, ракетных і зенітных ракетных комплексаў, авіяцыйнай тэхнікі на аэрадромах базавання і іншых аб'ектаў на далёкасці ад 50 км да 200 км з высокай дакладнасцю.
