Мікалай Мірны: «Макс не мае дачынення да адкрыцця ГЦ «ЛенінГрад»
Бацька тэнісіста Максіма Мірнага Мікалай Мірны ў інтэрв'ю kyky.org распавёў пра тое, што яго сын не мае дачынення да нядаўна адкрытага ў Мінску ГЦ «ЛенінГрад».
— Макс Мірны ўжо некалькі гадоў не мае ніякага дачынення да кампаніі «Мірны Шлях». Мы выйшлі з гэтага бізнэсу.
— Чым тады растлумачыць напісанае на сайце «ММК Інвест»?
— Сайт не хлусіць: «Мірны Шлях» заснаваны пры нашым удзеле.
— З таго, што мы чытаем на сайце, можна зрабіць выснову, што кампаніі Курбыкі і Мірнага да гэтага часу працуюць разам.
— Трэба, напэўна, усё-такі даведацца, што з гэтай нагоды думаюць юрысты.
Ні да назвы, ні да канцэпцыі, ні да савецкай тэматыкі адкрыцця Мірныя адносін не маюць.
Акцёры ў абліччы Леніна і Сталіна на адкрыцці? Я думаю, маркетолагі пераканалі кіраўніцтва кампаніі, што так трэба. Але калі б я адкрываў гэты гандлёвы цэнтр, я б шукаў што-небудзь іншае. Танчэйшымі трэба быць», — сказаў Мікалай Мірны.
