Гандлёвы цэнтр «ЛенінГрад», які адкрывалі з партрэтамі Леніна, збудаваны з удзелам Курбыкі, Мірнага

У Мінску адкрыўся гандлёвы цэнтр «ЛенінГрад» з партрэтамі Леніна і Сталіна. Маўляў, для людзей, што настальгуюць па СССР. 

Забудоўшчык ГЦ «ЛенінГрад», мінская кампанія «ММК Інвест», была заснаваная ў 2008 годзе Юрыем Курбыкам, варатаром зорнага складу мінскага «Дынама». На сайце ўказана, што партнёрам «ММК Інвест» выступала кампанія «Мірны Шлях», «заснаваная ў 2004 годзе ў супрацоўніцтве з тэнісістам Максам Мірным».

Сам Мірны з усёй сваёй вялікай сям'ёй жыве ў ЗША. Там вучацца і ягоныя дзеці.

Як паведамлялася ў 2015 годзе, з кампаніі «Мірны шлях» тэнісіст свае грошы вывеў. Аднак на адкрыццё прыйшоў.

Сяргей Гезгала

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0