23-гадовы забойца святара з Аршанскага раёна асуджаны на 14 гадоў
Забойца святара асуджаны на 14 гадоў пазбаўлення волі.
Пра гэта паведаміў пракурор аддзела па наглядзе за законнасцю судовых пастаноў па крымінальных справах пракуратуры Віцебскай вобласці Дзмітрый Лутаў.
Забойства айца Аляксандра (Марозава), які служыў у храме Праабражэння Гасподняга ў аграгарадку Смаляны (Аршанскі раён Віцебскай вобл.) было здзейснена 21 лістапад 2013 г.
Святар даў у сваім доме месца для пражывання маладому мужчыну, які доўгі час там жыў і нават быў зарэгістраваны. Незадоўга да забойства на начлег да іх папрасіўся яшчэ адзін мужчына.
Ноччу паміж святаром і пастаяльцамі адбыўся канфлікт, падчас якога Марозаву былі нанесеныя множныя нажавыя раненні, ад якіх ён і памёр.
Абодва мужчыны былі затрыманыя ў статусе падазраваных. Але на стадыі папярэдняга следства крымінальны пераслед у дачыненні да часовага жыхара быў спынены.
Забойцу 23 гады. Расправу над святаром здзейсніў у стане алкагольнага ап'янення.