Sivaka pavysili za «Haradskija linii»?
Načalnik Biełaruskaj čyhunki pryznačany ministram transpartu.
31 lipienia Alaksandr Łukašenka pryniaŭ šerah kadravych rašeńniaŭ. I kali niekatorym čynoŭnikam daviałosia sa svaimi pasadami raźvitacca, to načalnik Biełaruskaj čyhunki Anatol Sivak naadvarot pajšoŭ na pavyšeńnie. Jon atrymaŭ pasadu ministra transpartu i kamunikacyj.
Što mahło pasłužyć pryčynaj karjernaha rostu Sivaka? Adnym z samych zaŭvažnych pośpiechaŭ Biełaruskaj čyhunki pad jahonym kiraŭnictvam možna nazvać raźvićcio prajektaŭ haradskich i rehijanalnych linij, realizavanych sumiesna z šviejcarskaj kampanii Stadler Bussnang AG.
Na siońnia haradskija linii źviazvajuć stalicu z Zasłaŭjem i Rudzienskam, rehijanalnyja — z Oršaj i Baranavičami, a Baranavičy z Brestam. U płanach taksama arhanizacyja rehijanalnych linij pamiž Minskam i Babrujskam.
Varta adznačyć, što adnoj pastaŭkaj ciahnikoŭ u Biełaruś sprava nie skončyłasia. Naprykancy lipienia stała viadoma pra inviestycyjny prajekt pa stvareńniu sumiesnaj vytvorčaści čyhunačnaha i haradskoha pasažyrskaha elektryčnaha transpartu. Inviestar — šviejcarskaja kampanija Stadler Rail AG.
Takim čynam, možna dapuścić, što kali nie asnoŭnaj, to prynamsi adnoj z pryčyn pavyšeńnia Sivaka stali pośpiechi Biełaruskaj čyhunki na «šviejcarskim nakirunku».