Viciebskija miedyki admovilisia ad «mietadu tyku» pry pryznačeńni antybijotykaŭ
U Viciebskaj vobłaści miedyki pačali vykarystoŭvać test-sistemu «Bijałaktam», jakaja dazvalaje admovicca ad standartnaha «mietadu tyku» pry pryznačeńni pacyjentu antybijotykaŭ.
U šerahu miedycynskich ustanovaŭ krainy — Viciebskaj infiekcyjnaj balnicy, Viciebskim ankadyspansiery, i Bresckaj abłasnoj balnicy — pačali ŭžyvać test-sistemu «Bijałaktam», raspracavanuju dekanam lačebnaha fakulteta Viciebskaha dziaržaŭnaha miedycynskaha ŭniviersiteta, doktaram miedycynskich navuk, prafiesaram Valeryjem Siamionavym.
Jaho prajekt «Raspracoŭka test-sistemy dla vyznačeńnia i kolkasnaj acenki beta-łaktamaznaj aktyŭnaści bijałahičnych substrataŭ z metaj karekcyi antybakteryjalnaj terapii» pryznany pieramožcam II Respublikanskaha konkursu inavacyjnych prajektaŭ, jaki pravodziŭsia ŭ Biełarusi ŭ 2011. Test-sistema Valeryja Siamionava, pa sutnaści, stała novym słovam u miedycynie. Jana praktyčna biespamyłkova dapamahaje vyznačyć aptymalny vybar antybijotykaŭ pry lačeńni infiekcyjnych chvorych. Hałoŭnaja meta raspracoŭki — paskoryć lačeńnie chvoraha.
Jak raskazaŭ Valeryj Siamionaŭ, test-sistema «Bijałaktam» zasnavanaja jak na cełym šerahu dobra vyvučanych, tak i raniej nie viadomych navukovych faktaŭ. Siońnia ŭ bolšaści vypadkaŭ pryznačeńnie antybijotykaŭ pravodzicca empiryčna. Inšymi słovami, daktary ich pryznačajuć pryblizna, spantanna, a zatym nazirajuć efiektyŭnaść ich užyvańnia i ŭ vypadku adsutnaści stanoŭčaha efiektu robiać zamienu. Na heta sychodzić u siarednim 3–4 dni. Raspracavanaja Valeryjem Siamionavym test-sistema dazvalaje na praciahu 1–1,5 hadzin zrabić pravilny vybar ŭ pryznačeńni antybijotykaŭ.
Pa słovach prafiesara, važna i toje, što ŭkaranieńnie test-sistemy dapamoža skaracić užyvańnie bijałaktamnych antybijotykaŭ prykładna na 20–25%. Pry hetym važny jak ekanamičnaja składnik dla chvoraha i lekavaj ustanovy, tak i čałaviečy faktar — jaho zdaroŭje. Jak havorycca, nie ŭsie antybijotyki adnolkava karysnyja.
Test-sistema ŭžo zarehistravanaja ŭ Ministerstvie achovy zdaroŭja Biełarusi. Jaje raspracoŭščyki atrymali ŭsie dakumienty, nieabchodnyja dla vytvorčaści ŭ Viciebsku. A na stvareńnie i vytvorčaść test-sistemy pryvatnymi strukturami vydzielenyja srodki. Arhanizavany i sam praces vytvorčaści.
U ciapierašni čas instrukcyi pa ŭžyvańni test-sistemy «Bijałaktam» atrymali daktary stacyjanarnych balnic Viciebska i Viciebskaj vobłaści. Akramia taho, viciebskim noŭ-chaŭ zacikavilisia ŭ stacyjanarach Minska i Maskvy. A jašče test-sistema prachodzić rehistracyju va Uźbiekistanie i Kazachstanie. Jość pierśpiektyvy jaje ŭkaranieńnia i ŭ Hiermanii.
health.ej.by
Chočaš padzialicca važnaj infarmacyjaj
ananimna i kanfidencyjna?
Pišycie redaktaru
«Našaj Nivy» ŭ TH
