Uzrovień: Zbornaja Biełarusi zhulaje tavaryskija matčy z Azierbajdžanam, Armienijaj i Małdovaj
5 červienia naša nacyjanalnaja futbolnaja kamanda ŭ Minsku pamierajecca siłami z azierbajdžancami, a 15 žniŭnia zhulaje ŭ Jerevanie z armianami.
Raniej matč sa zbornaj Armienii biełarusy płanavali pravieści 29 lutaha ŭ Turcyi. Adnak tyja admovilisia spaborničać na tureckaj ziamli, prapanavaŭšy ŭ jakaści alternatyvy Kipr. Hety varyjant, u svaju čarhu, nie zadavoliŭ kamandu Biełarusi.
29 lutaha družyna Hieorhija Kandraćjeva zhulaje ŭ Turcyi z małdavanami, paviedamlaje Priessboł.
Cikava, što biełarusy admovilisia ad sparynhu 29 maja z udzielnikam Jeŭra-2012 zbornaj Hrecyi, biełarusaŭ nie zadavoliła data praviadzieńnia matča.
***
Nahadajem, što ŭ adboračnym turniry da čempijanatu śvietu pa futbole 2014 hoda zbornaja Biełarusi budzie hulać u adnoj hrupie ź Ispanijaj, Francyjaj, Hruzijaj i Finlandyjaj.
Biełarusy pačnuć turnir dvuma haściavymi hulniami z Hruzijaj i Francyjaj (7 i 11 vieraśnia). Zatym — dva matčy doma: ź Ispanijaj 12 kastryčnika i Hruzijaj 16 kastryčnika.