Siońnia: «Dynama» Kijeŭ — BATE

U čaćvier startuje hrupavy turnir futbolnaj Lihi Jeŭropy.

Šaścirazovy čempijon Biełarusi, barysaŭski BATE, vybyŭšy z 3-ha kvalifikacyjnaha raŭndu Lihi čempijonaŭ, prabiŭsia ŭ Lihu Jeŭropy praz plej-of, abyhraŭšy partuhalski «Marycimu».

BATE trapiŭ u hrupu «Je», jakuju zaraz nazyvać małym čempijanatam SND: tut hulaje kijeŭskaje «Dynama», małdoŭski (ci prydniastroŭski?) «Šeryf» z Tyraspala, a taksama hałandski «AZ» (Ałkmaar).

Svoj pieršy matč BATE praviadzie ŭ haściach suprać kijeŭskich dynamaŭcaŭ.

Pačatak hulni, a 20-j, jaje pakaža ŭ žyvym efiry telekanał «Ład».

U hety ž čas u Ałkmaary pačniecca matč «AZ» — «Šeryf».

***

BATE vylecieŭ u Kijeŭ u nastupnym składzie: Siarhiej Vieramko, Alaksandr Hutar, Maŭra Ałonsa, Dźmitryj Baha, Maksim Bardačoŭ, Renan Bresan, Alaksandr Vaładźko, Arciom Kancavy, Dźmitryj Lichtarovič, Pavieł Niachajčyk, Edhar Alachnovič, Alaksandr Paŭłaŭ, Arciom Radźkoŭ, Vital Radzivonaŭ, Maksim Skavyš, Siarhiej Sasnoŭski, Ihar Šytaŭ, Alaksandr Jurevič.

Ź cikavostak siońniašniaha dnia: matč hrupy «A» pamiž «Juvientusam» i poznanskim «Lecham», kolery polskaha kłuba abaraniaje eks-hulec BATE Siarhiej Kryviec, jaki ŭžo hulaŭ suprać «Juvie» dva hady tamu.

Nahadajem, što ŭ minułym rozyhryšy Lihi Jeŭropy BATE ŭ hrupavym turniry zaniaŭ 3-je miesca, prapuściŭšy napierad «Bienfiku» i «Eviertan» i apiaredziŭšy AJEK.

30 vieraśnia BATE prymie ŭ Minsku kłub «AZ».

AH

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0