U Cichim akijanie znajšli jarka-siniaha marskoha smaŭža. Heta novy vid hłybakavodnych ryb
Ichtyjołahi znajšli i apisali novy vid ryb ź siamiejstva marskich smaŭžoŭ. Paraliparis selti žyvie ŭ Atakamskim žołabie na hłybini 5,9-7,6 kiłamietra. U adroźnieńnie ad inšych hłybakavodnych žyvioł, jaho afarboŭka nie «niabačnaja» čornaja ci čyrvonaja, a jarka-siniaja, piša N+1.
Siamiejstvo liparavych ryb nazyvajuć marskimi smaŭžami z-za vialikaj hałavy, doŭhich studzianistych ciełaŭ i adsutnaści łuski. Jany žyvuć va ŭsich akijanach ad Arktyki da Antarktydy, i navat u Maryjanskaj upadzinie. U siamiejstvie prykładna 400 vidaŭ.
Rybu novaha vidu Paraliparis selti atrymałasia złavić u 2018 hodzie. Heta była maładaja asobina daŭžynioj 7,6 santymietra. Praz čatyry hady navukoŭcy rasšyfravali jaje hienom i vyvučyli budovu cieła.
Akazałasia, ryba adnosicca da hrupy antarktyčnych marskich smaŭžoŭ. Pry hetym jana vyłučajecca kolkaściu pazvankoŭ i pramianioŭ u płaŭnikach.
Navošta Paraliparis selti takaja jarkaja i niezvyčajnaja afarboŭka, pakul niezrazumieła. Mahčyma, heta ŭsiaho tolki evalucyjnaja spadčyna ad prodkaŭ ź miełkavodździa.