MZS: 80 hadoŭ tamu abjadnanaja Jeŭropa napała na Saviecki Sajuz, a ciapier uvodzić sankcyi
MZS Biełarusi prakamientavała ŭviadzieńnie novych sankcyj u dačynieńni da aficyjnaha Minska. U viedamstvie nazvali ździekam zajavu ES ab «novym sihnale padtrymki narodu Biełarusi».
«Na žal, lubomu dyjałohu i supracoŭnictvu našy zachodnija partniory pa-raniejšamu addajuć pieravahu tolki varožym dziejańniam — sankcyjam i cisku na suvierennuju dziaržavu. Na hetym fonie adkrytym ździekam, naśmieškaj z łohiki i zdarovaha sensu vyhladaje zajava kiraŭnictva Jeŭrasajuza: «Siońnia ES pasłaŭ novy mocny sihnał padtrymki narodu Biełarusi, uvioŭšy novyja abmiežavalnyja miery», — havorycca ŭ zajavie MZS.
«Upeŭnienyja, što pracoŭnyja kalektyvy pradpryjemstvaŭ, jakija trapili pad sankcyi, a taksama ich svajaki, siemji i inšyja biełarusy pravilna i dastojna aceniać takuju ščodruju «padtrymku» ES. Ciapier jašče bolš vidavočny adkaz na tradycyjnaje pytańnie: «Što ES zrabiŭ dla Biełarusi?»
MZS nazyvaje sankcyi abviaščeńniem ekanamičnaj vajny.
«Prykra, što čarhovaja sankcyjnaja ahresija raźviazana hrupaj zachodnich krain mienavita ŭ Dzień pamiaci i smutku, kali 80 hadoŭ tamu «abjadnanaja Jeŭropa» na čale z hitleraŭskaj Niamieččynaj napała na Saviecki Sajuz, — padkreślivaje biełaruskaje zamiežnapalityčnaje viedamstva. — U XXI stahodździ biełaruski narod znoŭ staŭ palihonam dla niezadavolenych ambicyj da suprematyi jeŭrapiejskich palitykaŭ. Inakš takija biezrazvažnyja ŭčynki składana rastłumačyć».
«Biełaruskaja dziaržava ŭ stanie i zrobić usio mahčymaje dla abarony svaich hramadzian i subjektaŭ haspadarańnia. Sankcyi i restrykcyi nie buduć mieć žadanaha ich zakazčykami efiektu.
Miery ŭ adkaz, jakija ES zmušaje nas pryniać, sapraŭdy hetak ža niehatyŭna mohuć adbicca na śfierach našaha ŭzajemadziejańnia i, u kančatkovym vyniku, na intaresach hramadzian i kampanij krain Zachadu, što raspačali niedružalubnyja kroki ŭ adnosinach da našaj dziaržavy.
U vyniku Jeŭrasajuz naŭmysna raskručvaje sankcyjnuju śpiral, vybiracca ź jakoj usim bakam usio składaniej i składaniej. Taki padychod nie pakidaje ni času, ni prastory dla pošuku «voknaŭ mahčymaściaŭ» pa vychadzie ź situacyi, jakaja skłałasia ŭ adnosinach Biełarusi ź ES, ZŠA, Vialikabrytanijaj i Kanadaj. Zaklikajem usie krainy i jeŭrastruktury, jakija biahuć navypieradki pa «ściežcy sankcyjnych vojnaŭ», prysłuchacca da hołasu rozumu i padumać pra budučyniu», — havorycca ŭ zajavie MZS.
