Ułady Francyi vyrašyli admianić kamiendanckuju hadzinu i našeńnie masak na vulicy
Ułady Francyi pryniali rašeńnie źmiakčyć abmiežavańni, jakija byli ŭviedzienyja na fonie raspaŭsiudžvańnia karanavirusa COVID-19. Pra heta zajaviŭ premjer-ministr krainy Žan Kasteks, paviedamlaje Le Parisien.
«Heta narmalna, što my karektujem našy miery i niekatoryja elemienty našaha kalendara, zachoŭvajučy pry hetym vysoki ŭzrovień pilnaści ŭ najbližejšyja tydni», — skazaŭ jon.
Pavodle jaho słoŭ, Rada abarony i nacyjanalnaj biaśpieki vyrašyła admianić našeńnie masak na vulicy.
«Našeńnie masak na adkrytym pavietry bolš nie budzie abaviazkovym, za vyklučeńniem asablivych vypadkaŭ — pry zbory hrup u ludnych miescach, u čerhach abo na rynkach, abo na trybunach stadyjonaŭ», — paviedamiŭ premjer, udakładniŭšy, što heta pasłableńnie pačnie dziejničać z 17 červienia.
