Kanapackaja nie supakojvajecca: brudna namiakaje pra blizkaść Pratasieviča i Cichanoŭskaj
Eks-udzielnica prezidenckich vybaraŭ — 2020 Hanna Kanapackaja nahadała pra siabie paśla dzieviaci miesiacaŭ maŭčańnia. Papiaredni raz jana rabiła hučnuju zajavu ŭ vieraśni 2020 hoda, kali anansavała stvareńnie ŭłasnaj partyi. Hety praces kančatkova zahłuch, tamu ciapier Kanapackaja vykazvajecca nie pra siabie, a pra Śviatłanu Cichanoŭskuju. Dniami vystupiła ŭ efiry rasijskaj Hramadskaj słužby navin.
Hanna Kanapackaja, fota Nadziei Bužan
Što nahavaryła Kanapackaja?
Što nasamreč Śviatłana Cichanoŭskaja — prajekt biełaruskich śpiecsłužbaŭ, stvorany, kab pahałoŭna identyfikavać uvieś pratesny elektarat. Pa padlikach Kanapackaj, ahułam heta 150 tysiač čałaviek.
Druhaja dumka Kanapackaj — brudnyja namioki na blizkaść padčas pajezdki ŭ Hrecyi Śviatłany Cichanoŭskaj i Ramana Pratasieviča. «Dumaju, što mnohija žančyny zrazumiejuć Śviatłanu. Jana maje na heta prava, tamu što ŭ bližejšyja 10 hadoŭ budzie amal svabodnaj žančynaj», — ździekliva zajaŭlaje Kanapackaja.
