«Razhladajem usiu Biełaruś». Stała viadoma, dzie mohuć raźmiaścić placoŭku dla pachavańnia radyjeaktyŭnych adkidaŭ
Placoŭku dla pachavańnia radyjeaktyŭnych adkidaŭ, vypracavanych na BiełAES, vyznačać da kanca 2024 hoda. Pra heta raskazała namieśnica načalnika ŭpraŭleńnia pa abychodžańni z radyjeaktyŭnymi adkidami i abjektami jadziernaj spadčyny Dziaržatamnahladu MNS Kaciaryna Šmialova.
Pavodle słoŭ čynoŭnicy, na pierśpiektyŭnych placoŭkach užo pravodziacca daśledavańni.
«Pry vybary miesca budaŭnictva punkta pachavańnia radyjeaktyŭnych adchodaŭ razhladajecca ŭsia terytoryja Respubliki Biełaruś. Pry hetym my robim akcent na tym, što moža być razhledžanaja i terytoryja, paciarpiełaja ŭ vyniku katastrofy na Čarnobylskaj AES. A mienavita ŭ rajonie Paleskaha dziaržaŭnaha radyjacyjna-ekałahičnaha zapaviednika», — cytuje Šmialovu «Minskaja praŭda».
Siarod pierśpiektyŭnych nazyvajucca placoŭki ŭ Brahinskim, Chojnickim rajonach Homielskaj vobłaści (rajon zapaviednika), rajon raźmiaščeńnia BiełAES i placoŭka ŭ Słaŭharadskim rajonie Mahiloŭskaj vobłaści.
Čytajcie taksama:
Biełarusy pa ŭsim śviecie praviali pamiatnyja mierapryjemstvy z nahody čarnobylskaj hadaviny FOTY
Zabrudžanaja spadčyna Biełarusi. Ci možna jaje ŭbačyć i nakolki heta biaśpiečna?
Jak vyhladajuć adsielenyja terytoryi praz 38 hadoŭ paśla avaryi na ČAES FOTY
Paśla avaryi na ČAES kiraŭnikoŭ BSSR chacieli sudzić, a abaraniaŭ ich Łukašenka
