Apublikavany zakon «Ab źmienie kodeksaŭ pa pytańniach kryminalnaj adkaznaści». Uviedzienyja abo pastrožanyja artykuły, pa jakich možna karać za pratest
Na Nacyjanalnym pravavym partale apublikavany zakon «Ab źmienie kodeksaŭ pa pytańniach kryminalnaj adkaznaści».
Tut.by vybraŭ hałoŭnaje.
Zakonam uviedziena kryminalnaja adkaznaść:
— za ekstremizm: stvareńnie ekstremisckaha farmiravańnia i ŭdzieł u im, padrychtoŭku da ŭdziełu, finansavańnie takoj dziejnaści i sadziejničańnie joj;
— za nieadnarazovaje parušeńnie paradku praviadzieńnia masavych mierapryjemstvaŭ.
— za niezakonnyja zbor i raspaŭsiudžvańnie asabistych danych.
Bolš žorstkaj budzie adkaznaść:
— za zabojstva supracoŭnika milicyi abo vajskoŭca;
— za hvałt albo pahrozu ŭ dačynieńni da siłavikoŭ i sudździaŭ;
— za supraciŭ supracoŭnikam milicyi;
— za publičnuju abrazu pradstaŭnika ŭłady;
— za arhanizacyju biesparadkaŭ albo ŭdzieł u ich;
— za publičnyja zakliki da praviadzieńnia niesankcyjanavanych masavych mierapryjemstvaŭ;
— za naŭmysnaje błakavańnie daroh, što paciahnuła vialikuju škodu.
Taksama pavialičany terminy za ŭchileńnie ad vypłaty padatkaŭ: da siami hadoŭ za złačynstva, jakoje pryčyniła škodu ŭ bujnym pamiery (było da troch hadoŭ), da 12 hadoŭ — u asabliva bujnym (było da siami).
Z ranicy paviedamlałasia, što papraŭki ŭstupiać u siłu praz try miesiacy. Nasamreč jany ŭstupiać praz 10 dzion
Asnoŭnyja źmieny ŭstupajuć u siłu praz 10 dzion
