Zvolnienamu dyrektaru Opiernaha teatra znajšli novuju pracu
Alaksandru Piatroviču, zvolnienamu z pasady dyrektara Nacyjanalnaha teatra opiery i baleta Biełarusi, znajšli novuju pracu. Jon pryznačany dyrektaram falkłornaj hrupy «Kupalinka». Infarmacyju Tut.by paćvierdzili ŭ Biełdziaržfiłarmonii.
Alaksandr Piatrovič (źleva) i mastacki kiraŭnik muzyčnaha teatra Adam Murzič. Fota: musicaltheatre.by
«Kupalinka» — heta falkłornaja hrupa, zasłužany kalektyŭ Respubliki Biełaruś.
«Kupalinka» pracuje ŭ struktury Biełdziaržfiłarmonii.
12 maja ministr kultury Anatol Markievič pradstaviŭ supracoŭnikam Opiernaha novaha dyrektara. Im staŭ Viačasłaŭ Harbuzaŭ, jaki da hetaha źjaŭlaŭsia dyrektaram Bresckaha teatra dramy, a da hetaha pracavaŭ u BRSM i Bresckim abłvykankamie.
Jak paviedamlajecca na sajcie Ministerstva kultury, padčas pradstaŭleńnia Markievič akcentavaŭ uvahu, što «nieabchodna nadać pilnuju ŭvahu stabilizacyi maralna-psichałahičnaha klimatu ŭ kalektyvie, praviadzieńniu ŭzvažanaj kadravaj palityki, asabliva ŭ častcy pryznačeńnia na kirujučyja tvorčyja pasady».
Dla Alaksandra Piatroviča novaje pryznačeńnie — surjoznaje panižeńnie, užo druhoje za hady pracy.
Jon naradziŭsia ŭ 1957 hodzie ŭ Minsku. Pa adukacyi kultpraśvietrabotnik i charavy dyryžor (skončyŭ fakultet kulturna-aśvietnaj pracy staličnaha Instytuta kultury).
