Minaabarony ŭ videa pra vučeńni ź jadziernaj zbrojaj pasprabavała zabluryć samalot, ale niešta pajšło nie tak
U biełaruskaj armii pačałasia sinchronnaja z Rasijaj raptoŭnaja pravierka hatoŭnaści sił i srodkaŭ nośbitaŭ jadziernaj zbroi. Minabarony paśpiašałasia apublikavać videa pra mierapryjemstva. Z retuššu ŭźnikli pytańni.
Skrynšot videa: VojenTV
U roliku prahramu pravierki kamientuje načalnik Hienštaba Viktar Hulevič. Na videa demanstrujuć pasadku samalota Su-25, jaki moža nieści jadziernuju zbroju.
Aŭtary rolika vyrašyli zabluryć niekatoryja častki samalota, ale niešta pajšło nie tak. Naprykład, na borcie ŭsio ž možna razhledzieć numar, jaki zachacieli schavać.
Skrynšot videa: VojenTV
Dziŭna vyhladaje retuš i na ahulnym płanie — chutčej za ŭsio, tut taksama bluryli numary. Zablurany abvies padobny da dadatkovych paliŭnych bakaŭ Su-25.
Padrabiaznaści pravierki na schodzie ŭ honar 9 maja raskryŭ Alaksandr Łukašenka. Pavodle jaho słoŭ, budzie rabicca padača bojeprypasaŭ ź jadziernaj zbrojaj u rakietnyja i avijacyjnyja vajskovyja čaści, zahruzka ich na puskavyja ŭstanoŭki i padvieska na samaloty.
Rakietnyja dyvizijony apieratyŭna-taktyčnych kompleksaŭ «Iskander» i «Pałanez» buduć patajemna vyviedzienyja na pryznačanyja pazicyi i buduć adpracoŭvać pytańni naniasieńnia rakietnych udaraŭ dla adbićcia imaviernaha napadu.
Pravierka pačałasia prosta padčas schodu ŭ Pałacy Respubliki, na jakim prysutničaje i kiraŭnik Minabarony Viktar Chrenin.
Čytajcie taksama:
Pačałasia raptoŭnaja pravierka hatoŭnaści sił i srodkaŭ nośbitaŭ taktyčnaj jadziernaj zbroi
Łukašenka prainśpiektavaŭ vajenna-pavietranych sił i vojsk supraćpavietranaj abarony
