Hałoŭčanka vykazaŭsia pra dekret ab pieradačy prezidenckich paŭnamoctvaŭ Radzie biaśpieki
Premjer-ministr Raman Hałoŭčanka prakamientavaŭ žurnalistam mahčymaść pieradačy prezidenckich paŭnamoctvaŭ Radzie biaśpieki, što płanujecca zamacavać u asobnym dekrecie, pieradaje BiełTA.
Raman Hałoŭčanka raspavioŭ, što ŭ składzie členaŭ Rady biaśpieki ŭdzielničaŭ u padrychtoŭcy prapanoŭ pa anansavanym dekrecie, ale jakaja budzie kančatkovaja viersija redakcyi dekreta, jon nie viedaje. «Jakoje prezident prymie rašeńnie, taki jon i budzie», — adznačyŭ Hałoŭčanka.
Nieabchodnaść takoha dekreta, na jahonuju dumku, abumoŭlenaja tym, «što adbyvajecca vakoł našaj krainy, jakija mety staviać vorahi našaj dziaržavy — jany vychodziać za ramki razumieńnia maralnych kaštoŭnaściaŭ».
«My pavinny być hatovyja da luboha raźvićcia padziej, u tym liku i pa tych padstavach, jakija nie zakładzienyja ŭ dziejnaj redakcyi Kanstytucyi: heta mahčymaść fizičnaj likvidacyi kiraŭnictva krainy», — padkreśliŭ kiraŭnik urada.
Pa słovach Hałoŭčanki, u prajekcie dekreta vyznačana, jak budzie funkcyjanavać dziaržava ŭ vypadku pazaštatnaj situacyi, kab nie dapuścić straty kiravanaści krainaj.
Kamientujučy infarmacyju ŭ internecie, nibyta premjer-ministr pavinien zataić asabistuju kryŭdu na rašeńnie kiraŭnika dziaržavy pieradać jaho paŭnamoctvy kalektyŭnamu orhanu, Hałoŭčanka zajaviŭ, što padobnyja razvažańni niedarečnyja.
«My dziejničajem u ramkach svaich paŭnamoctvaŭ. Ale kali składziecca pahroźlivaja dla našaj krainy situacyja, to my dakładna tak ža sama, kalektyŭna i manalitna, budziem vykonvać našy abaviazki», — zapeŭniŭ jon.
