Sinoptyki raskazali, jakim budzie nadvorje da kanca krasavika. U sakaviku byvaje ciaplej
Učora atmaśfierny front vycieśniŭ za miežy Biełarusi ciopłyja pavietranyja masy i haspadaryć stała chałodnaje pavietra. Minułaj nočču na asobnych mieteastancyjach krainy naziraŭsia mokry śnieh. U vychodnyja lepš nie stanie — pavietranyja masy buduć pastupać z akvatoryi Narviežskaha mora, paviedamili Tut.by ŭ Biełhidramiecie.
Fota Nadziei Bužan
U subotu karotkačasovyja apadki — doždž, mokry śnieh. Dniom u asobnych rajonach mahčymyja navalnicy. Nočču -3..+3°S, dniom +4..+10°S, u Minsku maksimum +7°S, ale adčuvańnie choładu ŭzmocnić paryvisty viecier.
25 krasavika, u niadzielu, mokry śnieh, doždž. Nočču -4..+1°S, dniom +3..+9°S. Taki tempieraturny fon na 2-5 nižejšy za klimatyčnuju normu dla hetych krasavickich dzion. U Minsku da +6°S.
Pachaładańnie pratrymajecca prynamsi da siaredziny nastupnaha tydnia.
26 krasavika, u paniadziełak, dniom +3…+9°S, u Minsku da +6°S.
27 krasavika dniom +4..+11°S, u Minsku da +7°S.
28 krasavika, u sieradu, maksimalnaja dniom +12°S, u Minsku da +9°S.
Pavodle papiaredniaha prahnozu, ciapła nie čakacca da kanca krasavika.
