U Minsku z ranicy zaŭvažyli siłavikoŭ i śpiectechniku. MUS: Heta — płanavyja zaniatki
Žychary Minska paviedamlajuć pra pieramiaščeńni i zbor bajcoŭ unutranych vojskaŭ, AMAPa i kursantaŭ Akademii milicyi ad ranku.
Nazirajucca kałony vajskovych mašyn, pastrajeńni bajcoŭ sa ščytami, pieramiaščeńni śpiectechniki.
«Tolki što kałona z 6 doŭhich aŭtobusaŭ prajšła ŭ bok Uručča ad Akademii MUS, usie pasažyry ŭ bajavych kamplektach, vokny šmat dzie zaviešanyja», — paviedamlajuć čytačy.
«Siońnia a 9 hadzinie vialikaja kałona jechała z Majakoŭskaha na ŭnutranaje koła MKAD. Hruzavyja mašyny i aŭtobusy z sałdatami i mienšyja mašyny».
«Pa trasie Minsk — Maładziečna taksama kałona vajennych mašyn, milicyi, pryčepy z buchtami kalučaha drotu».
Paźniej MUS u svaim telehram-kanale prakamientavała hetu infarmacyju.
«Paviedamlajem, što heta štohadovyja płanavyja praktyčnyja zaniatki pa adpracoŭcy dziejańniaŭ u roznych umovach. Mierapryjemstvy-častka navučalnaha pracesu kursantaŭ Akademii MUS. Vučeńni pravodziacca va ŭzajemadziejańni z unutranymi vojskami i inšymi padraździaleńniami orhanaŭ unutranych spraŭ», — adznačaje pres-sakratar MUS Volha Čamadanava
