Nazvany samy kasavy film za časy pandemii
Błokbastar «Hadziła suprać Konha» staŭ samym kasavym halivudskim filmam za čas pandemii karanavirusa, sabraŭšy ŭ suśvietnym prakacie bolš za 390,2 miljona dalaraŭ.
Kadr ź filma
Pra heta paviedamlaje lenta.ru sa spasyłkaj The Hollywood Reporter.
Stužka pabiła rekord bajevika «Dovad» Krystafiera Nołana, jaki sabraŭ 365 miljonaŭ dalaraŭ u suśvietnym prakacie.
Adznačajecca, što dla mnohich kinateatraŭ Łos-Andželesa i Ńju-Jorka, jakija ŭpieršyniu adkrylisia paśla pačatku pandemii, «Hadziła suprać Konha» staŭ pieršaj pakazanaj karcinaj. U ZŠA film sabraŭ 80,5 miljona dalaraŭ, u suśvietnym prakacie bolš za ŭsio hrošaj jamu prynios Kitaj — 177 miljonaŭ dalaraŭ.
Karcina Adama Vinharda pryśviečana supraćstajańniu Hadziły i Kinh-Konha, dvuch znakamitych monstraŭ kiniematohrafa. Pieršy film pra Kinh-Konha źjaviŭsia ŭ 1933-m u ZŠA, pieršaja japonskaja karcina pra Hadziłu vyjšła ŭ 1956 hodzie.