Vice-premjer RF: «Darožnaja karta» pa nafcie i naftapraduktach ź Biełaruśsiu hatovaja da padpisańnia
Darožnaja karta pa nafcie i naftapraduktach pamiž Rasijaj i Biełaruśsiu hatovaja da padpisańnia. Pra heta zajaviŭ u piatnicu žurnalistam vice-premjer Alaksandr Novak pa vynikach pieramoŭ premjer-ministra Rasii Michaiła Mišuścina ź jaho biełaruskim kaleham Ramanam Hałoŭčankam, piša TASS.
«U nas darožnaja karta pa elektraenierhietycy ŭžo padpisanaja, pa nafcie i naftapraduktach hatovaja da padpisańnia. Ciapier praciahvajecca dapracoŭka darožnaj karty pa hazavaj śfiery», — skazaŭ jon.
Novak raspavioŭ, što na pieramovach abmiarkoŭvalisia «pytańni intehracyi va ŭsich śfierach, u tym liku i ŭ śfiery enierhietyki». Pavodle jaho słoŭ, «usie hetyja pracesy pavinny być sinchranizavanyja, pakolki stvareńnie adzinych rynkaŭ maje na ŭvazie pad saboj nie asobna ŭziatuju śfieru <…>, ale i inšyja pytańni, jakija tyčacca padatkovaha, finansavaha, bankaŭskaha zakanadaŭstva».
Pa słovach Novaka, pahadnieńnie pa pieravałcy biełaruskich naftapraduktaŭ u rasijskich partach pracuje, pry hetym abjomy pieravałki ŭ ramkach hetych damoŭlenaściaŭ «niekalki bolšyja, čym płanavałasia ŭ sakaviku». Vice-premjer dadaŭ, što «ŭ krasaviku taksama płanujucca abjomy pavialičanyja».
