Čyli — adzin z suśvietnych lidaraŭ pa vakcynacyi. Tady čamu krainu nakryła novaja chvala kavidu?
Dziŭnaja historyja.
fota pixabay.com
9 krasavika kolkaść zaražeńniaŭ kavidam u Čyli pabiła novy rekord. Upieršyniu z pačatku pandemii ŭ krainie za sutki było zarehistravana 9 tysiač novych vypadkaŭ chvaroby — zaŭvažna bolš, čym minuły rekord u 7 tysiač vypadkaŭ, zafiksavany ŭ červieni. Čylijskija reanimacyi znoŭ pierapoŭnienyja, miežy krainy znoŭ zakrytyja dla hramadzian inšych krain, a sami čylijcy apynulisia ŭ novym łakdaŭnie.
Pry hetym usiaho dva miesiacy tamu prezident krainy Siebaśćian Pińjera chvaliŭsia, što ŭ Čyli prachodzić adna z samych chutkich vakcynacyj u śviecie. Heta sapraŭdy tak, ale vakcynacyja pačałasia tolki ŭ kancy śniežnia, i ŭ toj pieryjad pryščepku atrymali tolki miedyki, nastaŭniki i sastarełyja ludzi. Tamu ŭ studzieni i lutym, kali ŭ Čyli prachodziać letnija śviaty, bolšaja častka čylijcaŭ jašče nie byli vakcynavanaja, ale ŭsio roŭna sustrakałasia z rodnymi i siabrami, tłumačyć VVS.
Druhi faktar rostu zachvorvańniaŭ — toje, što padčas letnich miesiacaŭ častka čylijcaŭ admoviłasia ad mier prafiłaktyki chvaroby, naprykład, ad našeńnia masak i myćcia ruk. Svoj uniosak zrabiła i źjaŭleńnie novych štamaŭ kavidu.
Taksama niezrazumieła, nakolki efiektyŭnaja vakcyna CoronaVac, jakuju atrymali bolš za 93% pryščeplenych ad kavidu čylijcaŭ. Zhodna z daśledavańniem Čylijskaha ŭniviersiteta, praz dva tydni paśla atrymańnia druhoj dozy vakcyny jaje efiektyŭnaść składaje 56.5%, ale ŭ intervale pamiž pieršaj i druhoj dozami anałahičny pakazčyk składaje tolki 3%.
Mahčyma, heta i jość asnoŭnaja pryčyna, čamu ŭ Čyli dahetul raście kolkaść zachvorvańniaŭ. Tamu žycharam krainy zastajecca tolki vykonvać miery pieraściarohi i prytrymlivacca raskładu vakcynacyi.
