U Łahojskim rajonie mužčyna paziravaŭ na kamieru ź miedźviedzianiom. Toje ŭpirałasia i kryčała VIDEA
U telehram-kanale «Pln.by — Pleščanicy — Łahojsk Naviny» źjaviłasia videa, na jakim mužčyna niasie miedźviedziania. Čałaviek trymaje małoje za karak, a toje vielmi napałochanaje i kryčyć.
Skrynšot videa
Incydent, jak stała viadoma Tut.by, adbyŭsia ŭ aŭtorak.
— Chutčej za ŭsio mama z małym pierachodzili darohu. Mima išli fury, mama pierajšła, a dzicia adstała. Ale ŭ ich ža dobra raźvity niuch, tamu dzicia pabiehła ŭśled za mamaj — raspaviadaje inžynier pa palaŭničaj haspadarcy Łahojskaha lashasa Alaksandr Chatkoŭski.
Upieršyniu miedźviedziania ludzi zaŭvažyli kala raki ŭ vioscy Prylepcy. Dziaŭčyna patelefanavała svajoj znajomaj, jakaja pracuje ŭ miascovym lashasie, i raspaviała pra małoha. Majstar lesu vyjechała na miesca. Ubačyŭšy, što ź im usio ŭ paradku, jon nakiroŭvajecca ŭ les, jana nie stała jaho tryvožyć. Ale ŭ vyniku małoje, mabyć, pajšło nie tudy. Pobač z DRBU ŭ susiednim haradskim pasiołku Pleščanicy miedźviedziania sustreli mužčyny.
— Jany vyrašyli jaho złavić i pafatahrafavać, — kaža inžynier pa palaŭničych haspadarkach. — Potym miedźviedziania ad ich uciakło.
Ci znojdzie jano ciapier svaju mamu, nie viadoma. Pa słovach Alaksandra Chatkoŭskaha, aficyjnaj infarmacyi pra toje, što, naprykład, dzieści pobač zdaryłasia DTZ z udziełam miadźviedzicy ni leśnikam, ni ratavalnikam, ni dziaržinśpiektaram nie pastupała.
Z prośbaj dać pravavuju acenku dziejańniam mužčyn, jakija fatahrafavalisia ź miadźviedziem, śpiecyjalisty buduć źviartacca ŭ siłavyja viedamstvy.
— Čamu jany jaho čapali? Jon čyrvonaknižnik. Nielha jaho čapać, nie treba jaho łavić, chapać, — nie chavaje emocyi Alaksandr Chatkoŭski. — Pryčym vy bačycie, kolki tam (na videa) staić ludziej, i nichto nie skazaŭ im: «Nie čapajcie, puścicie hetu biednuju žyviołu». Usie śmiajalisia i zdymali, a hety mužčyna paziravaŭ.
U čaćvier taksama adzin z žycharoŭ Pleščanicaŭ adpraviŭ zvaroty ŭ prakuraturu Łahojskaha rajona i ŭ Dziaržinśpiekcyju. U ich jon prasiŭ pravieści pravierku pa situacyi.
Pavodle infarmacyi miascovych žycharoŭ, mužčyna, što byŭ ź miedźviedzianiom u rukach, žyvie ŭ vioscy Prylepcy, ź im užo razmaŭlaŭ učastkovy.
