Ciapierašniaja ŭstupnaja kampanija ŭ Biełarusi projdzie bieź źmienaŭ
Ustupnaja kampanija ŭ VNU sioleta nie źviedaje źmienaŭ, zajaviŭ ministr adukacyi Ihar Karpienka ŭ efiry telekanale STB, piša Tut.by.
Fota Nadziei Bužan
«My rychtujem novyja praviły pryjomu, jany hatovyja, my ciapier ich abmiarkoŭvajem, jany byli razasłanyja va ŭsie zacikaŭlenyja struktury, my vykładvali heta na svaim sajcie, hetyja prapanovy. Heta mahčymaść sumiaščeńnia niekatorych vypusknych ekzamienaŭ u škole z centralizavanym testavańniem i vykarystańnie ich vynikaŭ pry pastupleńni ŭ vyšejšuju navučalnuju ŭstanovu», — skazaŭ Karpienka.
Hetyja pytańni płanujecca «abmierkavać detalova na Respublikanskim piedahahičnym saviecie, jaki pavinien prajści ŭ žniŭni».
— Paśla hetaha my abjavim start tym źmienam, jakija mohuć być uviedzienyja. Dla taho, kab ich uvieści, nam spatrebicca peŭny čas, kab piśmienna vybudavać pracu i ź mietadyčnaha, i z arhanizacyjnaha punktu hledžańnia. Pahadziciesia, nielha vypuskniku hetaha hoda (11-ha kłasa) kazać pra toje, što jon pojdzie i budzie całkam u inšaj formie zdavać ustupnyja vyprabavańni dla pastupleńnia ŭ VNU. Tamu pałochacca taho, što buduć niejkija novaŭviadzieńni va ŭstupnaj kampanii, nie davodzicca, — paviedamiŭ ministr adukacyi.
Kali kanceptualna prapanavanyja źmieny buduć pryniatyja, novaŭviadzieńni mohuć być uviedzienyja praz hod-dva, skazaŭ Karpienka.
