Naskievič: Kryminalnaja sprava Cichanoŭskaha da kanca miesiaca budzie pieradadzienaja prakuroru dla nakiravańnia ŭ sud
Staršynia Śledčaha kamiteta Ivan Naskievič padčas naviedvańnia «Homsielmaša» prakamientavaŭ rasśledavańnie spraŭ Siarhieja Cichanoŭskaha i Kaardynacyjnaj rady, piša BiełTA.
«Kryminalnaja sprava, zaviedzienaja ŭ dačynieńni da hramadzianina Cichanoŭskaha i jaho saŭdzielnikaŭ, adna z najbolš abjomnych spraŭ, jakija ciapier znachodziacca ŭ vytvorčaści Hałoŭnaha śledčaha ŭpraŭleńnia centralnaha aparata SK», — adznačyŭ Ivan Naskievič.
Pa jaho słovach, rasśledavańnie spravy ŭžo padychodzić da kanca.
«Nami sfarmavany abjom abvinavačvańnia Cichanoŭskamu i jaho saŭdzielnikam. Ceły šerah epizodaŭ złačynnaj dziejnaści saŭdzielnikaŭ užo vydzieleny ŭ asobnyja vytvorčaści, nakiravanyja ŭ sudy. U tym liku majem užo abvinavaŭčyja prysudy», — skazaŭ staršynia SK.
«Što tyčycca samoha Cichanoŭskaha, miarkuju, što ŭ najbližejšy čas my vystavim jamu ŭžo kančatkovaje abvinavačvańnie», — udakładniŭ Ivan Naskievič.
Pa jaho słovach, kryminalnaja sprava budzie pieradadziena prakuroru da kanca miesiaca.
