U troch pryvatnych łabaratoryjach u Minsku možna zrabić PŁR-test na karanavirus biez nakiravańnia doktara
Jašče adna pryvatnaja łabaratoryja ŭ Minsku pačała rabić PŁR-testy na karanavirus. Heta łabaratoryja «Sinłab». Raniej takija testy stali pravodzić u «Invitra» i «Sineva», piša Tut.by.
unsplash.com
U «Sinłab» PŁR na COVID-19 biaruć u Minsku ŭ łabaratoryi pa vulicy Brackaj, 6. Cana — 51 rubiel 11 kapiejek. Termin hatoŭnaści da 48 hadzin biez uliku vychodnych.
U płanie padrychtoŭki prosiać nie kuryć, nie jeści za 1-2 hadziny da ŭziaćcia materyjału, nie zakładać maź u nos, nie ŭžyvać kropli, nie apracoŭvać horła lekavymi preparatami.
Z pačatku lutaha PŁR-daśledavańni na karanavirus pravodziać u vaśmi łabaratoryjach sietki «Sineva» ŭ Minsku: dźvie ź ich pracujuć, vykonvajučy vyklučna PŁR-daśledavańni, jašče šeść — pracujuć pa peŭnym hrafiku (paśla abiedu).
Taksama daśledavańni dastupnyja ŭ łabaratoryjach Bresta, Viciebska, Homiela, Hrodna, Mahilova i Mazyra. Termin hatoŭnaści analizu da 3 rabočych dzion. Košt z vynikam na ruskaj movie — 69,42 rubla, za pierakład vyniku na anhlijskuju treba budzie dapłacić 5,75 rubla.
Z 9 lutaha PŁR-testavańnie robiać u piaci miedycynskich adździaleńniach «Invitra». Termin vykanańnia — 2 pracoŭnyja dni. Važna, što daśledavańnie pravodzicca tolki pavodle papiaredniaha zapisu i ŭ peŭny čas.