Siaržant-desantnik pajechaŭ u adpačynak da babuli — i vyratavaŭ jaje na pažary
Pra niezvyčajny vypadak, što adbyŭsia 1 lutaha, piša ŭ svaim telehram-kanale Minabarony.
112.by
Kamandzir adździaleńnia roty achovy i absłuhoŭvańnia žylla Bresckaj desantna-šturmavoj bryhady, małodšy siaržant Illa Kobak u adpačynku vyrašyŭ naviedać babulu ŭ vioscy Masievičy, što ŭ Małaryckim rajonie.
Padychodziačy da doma, Illa ŭbačyŭ, što z-pad dachu doma idzie dym i šuhaje połymia.
Chłopiec adrazu paviedamiŭ ab pažary ŭ słužbu MNS. Ale ŭ pałajučym domie znachodziłasia jaho babula.
Illa vyrašyŭ, nie čakajučy ratavalnikaŭ, samastojna vyratavać svajačku.
Uvajści ŭ dom praź dźviery ŭžo było niemahčyma. Vybiŭšy akno, Illa pralez u dom, uziaŭ babulu na ruki i praz akno pieradaŭ mužčynu, jaki padaśpieŭ na dapamohu.
Pažar likvidavany ratavalnikami. Na ščaście, padčas zdareńnia nichto nie paciarpieŭ.
Illa Kobak. Fota Minabarony
