Łukašenka pravioŭ naradu nakont «Usiebiełaruskaha narodnaha schodu»
BiełTA
U naradzie biaruć udzieł premjer-ministr Raman Hałoŭčanka, staršyni Savieta Respubliki i Pałaty pradstaŭnikoŭ Natalla Kačanava i Uładzimir Andrejčanka, kiraŭnik Administracyi prezidenta Ihar Siarhiejenka, dziaržsakratar Rady biaśpieki Alaksandr Valfovič, kiraŭnik spraŭ prezidenta Viktar Šejman, staršynia Minharvykankama Uładzimir Kucharaŭ i dyrektar Biełaruskaha instytuta stratehičnych daśledavańniaŭ Aleh Makaraŭ, piša BiełTA.
Łukašenka źviarnuŭ uvahu, što da praviadzieńnia UNS zastajecca zusim trochi času (pavinien prajści 10-11 lutaha). «Cikavaść da forumu vialikaja, što nakładaje asablivuju adkaznaść. Heta najvažniejšaja padzieja ŭ žyćci krainy, i my abaviazanyja pravieści na samym vysokim uzroŭni», — padkreśliŭ Alaksandr Łukašenka.
Jon taksama zapatrabavaŭ pravieryć hatoŭnaść da sustrečy delehataŭ i nahadaŭ, što ŭ mierapryjemstvie prymuć udzieł pradstaŭniki ŭsich rehijonaŭ i hrup hramadstva, a taksama členy hramadskich abjadnańniaŭ i palityčnych partyj, pracoŭnych kalektyvaŭ.
— Taksama buduć zaprošanyja hości — adznačyŭ A. Łukašenka. — Ludzi, jakija prybyli z rehijonaŭ, pavinny adčuvać siabie jak doma, jany pryjechali da siabie dadomu, u stalicu našaj Radzimy. Tamu nieabchodna zabiaśpiečyć biaśpieku, kamfortnyja ŭmovy pracy i adpačynku ŭdzielnikaŭ schodu, adpaviednym słužbam nieabchodna ŭziać na pastajanny kantrol usie hetyja pytańni.
