Siońnia — pieršyja Hramnicy, abo Dzień surka
2 lutaha kataliki i pratestanty adznačajuć Strečańnie. 15 lutaha jaho śviatkujuć pravasłaŭnyja ŭ Biełarusi, Rasii i Ukrainie, što trymajucca julijanskaha kalendara.
Surok Fił, pixabay.com
U chryścijanskim kalendary aznačaje Custreču (Strečańnie) Isusa Chrysta ŭ Ijerusalimskim chramie z praviednym Simieonam i Hannaj praročycaj.
Dziakujučy mas-kultury my hety dzień u ZŠA i Kanadzie viedajem, jak Dzień surka. Heta kali surok Fił sa štata Piensilvanija varožyć, jakaja budzie viasna. Fił prasłaviŭsia dziakujučy adnajmiennamu filmu ź Biłam Miurejem u hałoŭnaj roli. Tradycyi bolš za 130 hadoŭ.
Što da Biełarusi, to na Hramnicy ŭ cerkvach śvieciać śviečki, kab jany abierahali chaty ad pieruna.
U narodzie kažuć: «Hramnicy — pałavina zimicy, marazoŭ pałavicy», ad siońnia sonca paviartaje na viasnu.
U adroźnieńnie ad ZŠA i Fiła, u nas svaje prykmiety na Hramnicy.
Jany takija: «Jak na Hramnicy pievień napjecca vadzicy, dyk na Jurja [23 krasavika] voł najesca travicy» (kali siońnia adliha, to i viasna budzie rańniaj),
«Jak na Hramnicy adliha, z uradžaju budzie chviha» (kali siońnia adliha, to viasna rańniaja, a jana nie spryjaje dobramu ŭradžaju, bo rana vysychaje ziamla).
Siońnia ŭ Minsku z ranicy było minus 16.