Łukašenka abmierkavaŭ ź ministram abarony zadumu biełaruska-rasijskich vučeńniaŭ «Zachad-2021»
Alaksandr Łukašenka pryniaŭ siońnia z dakładam ministra abarony Viktara Chrenina, piša BIEŁTA.
«My damaŭlalisia niadaŭna z vami ab tym, što vy razam z Rasijskaj Fiederacyjaj dapracujecie zadumu i detali budučaha biełaruska-rasijskaha vučeńnia «Zachad-2021» [projduć 10-16 vieraśnia]. Dla mianie heta simvalična, bo jašče maładym aficeram mnie daviałosia brać udzieł u adnym z takich vučeńniaŭ savieckich Uzbrojenych sił u Viciebskaj vobłaści pa adpracoŭcy novych mietadaŭ viadzieńnia vajny», — adznačyŭ Łukašenka.
Jon zajaviŭ, što, aznajomiŭšysia z zadumaj vučeńniaŭ, jon ubačyŭ, nakolki prasunulisia napierad uzbrojenyja siły. «Tym nie mienš ja prasiŭ by vas prainfarmavać, ci ŭzhodnieny z Rasijskaj Fiederacyjaj niuansy praviadzieńnia hetaha vučeńnia, jakaja zaduma. My z prezidentam Rasii daŭno pryniali rašeńnie, što budziem pravodzić heta vučeńnie», — skazaŭ Łukašenka.