Prahramist z ZŠA zabyŭ parol da bitkojn-kašalka z $240 miljonami. U jaho zastałosia ŭvieści dźvie sproby, inakš hrošy prapaduć
Parol byŭ zapisany niedzie na papiercy, i Tomas jaje zhubiŭ.
Prahramist Stefan Tomas, uradženiec Niamieččyny, žyvie ŭ San-Francyska. Jon zabyŭ parol da svajho bitkojn-kašalka, dzie zachoŭvajecca 240 młn dalaraŭ. Parol byŭ zapisany niedzie na papiercy, i Tomas jaje zhubiŭ. Vosiem sprobaŭ byli niapravilnyja, zastalisia dźvie, inakš kašalok zabłakujuć, i hrošy całkam prapaduć, piša Bi-bi-si.
Bitkojn mienš čym za miesiac padaražeŭ z 20 tysiač da 42 tysiač dalaraŭ, a zatym patańnieŭ amal da 32 tys. Niekatoryja inviestary čakajuć dalejšaha padzieńnia da 20 tysiač, a zatym novaha vitka rostu.
Bolš za dziesiać hadoŭ tamu Tomasu zapłacili ŭ bitkojnach za videa, jakoje tłumačyć, jak pracujuć kryptavaluty. Tady bitkojn kaštavaŭ usiaho niekalki dalaraŭ.
Tomas atrymaŭ pieravod na kašalok, jaki znachodziŭsia na źniešnim chard-dysku IronKey. Dla taho, kab atrymać dostup da danych na dysku, nieabchodny parol. A jon jaho nie pamiataje.
Kali ŭvieści jašče dva razy niapravilna, to kašalok budzie zabłakavany nazaŭsiody. Tomas strašna rasčaravany
«Dziela $220 młn u zakrytych bitkojnach treba nie 10 raz sprabavać adhadać parol, a adnieści dysk da prafiesijanałaŭ, jakija kupiać 20 takich ža IronKey i za paŭhoda znojduć alternatyŭny kanał dostupu abo ŭskryjuć jaho», — napisaŭ Tomasu Aleks Stejmas, jaki pracuje ŭ internet-absiervatoryi Stenfardskaha univiersiteta.
Jon kaža, što ŭsio zrobić za 10% ad sumy.
Cikava, što siońnia ŭ kašalkach, da jakich niama dostupu, lažyć kala 140 młrd dalaraŭ u bitkojnach.
Servisy pa dastavańni srodkaŭ sa zhublenych kašalkoŭ atrymlivajuć pa niekalki zapytaŭ u dzień ad ludziej, što zabyli svaje paroli.
U artykule ŭ New York Times taksama zhadany pradprymalnik, jaki straciŭ dostup prykładna da 800 bitkojnaŭ paśla taho, jak jaho kaleha adfarmatavaŭ noŭtbuk z parolami.
U 2013 hodzie ŚMI pisali pra mužčynu z Uelsa, jaki šukaŭ na śmietniku vykinuty dysk z 7500 bitkojnami. Tady heta ŭžo było 4 młn funtaŭ, a siońnia heta 250 młn funtaŭ (280 młn jeŭra).