Parłamient Małdovy pryniaŭ prajekt ab statusie ruskaj movy i admianiŭ zabaronu na rasijskija teleprahramy
Parłamient Małdovy 3 śniežnia ŭchvaliŭ u pieršym čytańni zakonaprajekt ab funkcyjanavańni moŭ i papraŭki da Kodeksa aŭdyjovizualnych miedyjapasłuh, jakija stvarajuć mahčymaść dla viartańnia rasijskich infarmacyjnych i analityčnych prahram, paviedamlaje tv8.
Zhodna z zakonaprajektam, dazvalajecca tranślacyja tele- i radyjoprahram «z trecich krain, jakija adpaviadajuć pałažeńniam kancepcyi i stratehii infarmacyjnaj biaśpieki Respubliki Małdova».
Raniej małdaŭskija telekanały mahli tranślavać tolki prahramy, vyrablenyja ŭ krainach ES, ZŠA, Kanady i krainach, jakija ratyfikavali Kanviencyju ab transhraničnym telebačańni (Rasija jaje nie ratyfikavała).
Deputaty taksama viarnuli ruskaj movie status movy mižnacyjanalnych znosin. Ciapier pa zapycie hramadzian dziaržaŭnyja słužačyja pavinny buduć pradastaŭlać infarmacyju abo pierakład infarmacyi na ruskaj movie, a taksama atrymlivać zapyty i adkazvać na ich na ruskaj movie, kali heta budzie nieabchodna hramadzianinu.
Bolšaść u parłamiencie Małdovy maje Partyja sacyjalistaŭ eks-prezidenta Ihara Dadona, jaki 23 śniežnia sydzie z pasady, sastupiŭšy miesca Mai Sandu.
Taksama 3 śniežnia deputaty abmiežavali paŭnamoctvy prezidenta, vyvieŭšy z padparadkavańnia Słužby infarmacyi i biaśpieki. Heta vyklikała abureńnie ŭ prychilnikaŭ Sandu. Jana zajaviła, što budzie damahacca rospusku parłamienta.
