Google Play pryznaŭ servis dla snu ad biełaruskich raspracoŭščykaŭ najlepšym dadatkam hoda
Servis Loóna ad kamandy raspracoŭščykaŭ MSQRD pryznany «najlepšym dadatkam hoda» — jon źjaviŭsia ŭ śpisie Best of 2020 ad Google, pra što napisaŭ u siabie ŭ fejsbuku adzin z členaŭ kamandy, Siarhiej Hančar, piša Dev.by.
Adna sa scen Loóna
Taksama Loóna trapiła ŭ Katehoryju Best Hidden Gem Apps. Heta dadatak dla snu źjaviŭsia ŭ AppStore ŭ žniŭni minułaha hoda. Sama kamanda nazyvaje Loóna hidam, jaki «adpravić vas u načnoje padarožža».
Karystalnik vybiraje scenu, adpaviednuju svajmu nastroju, a zatym «razmaloŭvaje čaroŭnyja łakacyi» — i rassłablajecca.
Loóna ŭjaŭlaje saboj kambinacyju vizualnaha šerahu, hukavoj atmaśfiery, uzajemadziejańnia z karystalnikam i storytelling. Usie razam dapamahaje stvaryć umovy dla snu. Rejtynh prahramy ŭ Google Play — 4,4, u App Store — 4,9.
Taksama GQ Russia niadaŭna pryznaŭ kamandu raspracoŭščykaŭ Loóna — Andreja Jančureviča, Dźmitryja Doryna, Siarhieja Hančara, Jaŭhiena Nieŭhienia — «biznesmienami hoda».