Łukašenka pavinšavaŭ narod Łatvii z Dniom Niezaležnaści
Alaksandr Łukašenka pavinšavaŭ žycharoŭ Łatvii z 102-j hadavinaj abviaščeńnia Łatvijskaj Respubliki. Pra heta paviedamlaje BiełTA sa spasyłkaj na pres-słužbu.
«U sučasnych abstavinach, niezaležna ad palityčnaj i ekanamičnaj kanjunktury, niahledziačy na biaźlitasnyja vykliki i pahrozy, ź jakimi sutykajucca ŭsie krainy śvietu, mienavita najbližejšyja susiedzi pavinny zachavać kaštoŭnaść čałaviečych suviaziaŭ, ekanamičnych i humanitarnych kantaktaŭ, — havorycca ŭ vinšavańni. — Biełarusaŭ i łatyšoŭ spradvieku abjadnoŭvali brackija, dobrasusiedskija adnosiny, pazityŭny vopyt mirnaha suisnavańnia mnohich pakaleńniaŭ. Nie dazvolim heta sapsavać i razburyć! Tolki razam, u zhodzie i śviecie, my zdolejem pieraadoleć usie ciažkaści i niahody», — havorycca ŭ vinšavańni.
U paviedamleńni nie zhadvajucca ni prezident, ni premjer krainy Ehiłs Levits i Kryšjanis Karyńš, jakija krytykujuć stanovišča spraŭ u Biełarusi paśla vybaraŭ 9 žniŭnia, a Karyńš vystupaje rezkim praciŭnikam praviadzieńnia ŭ Minsku ČS pa chakiei.
Učora Łukašenka taksama pavinšavaŭ ź pieramohaj na vybarach prezidenta Małdovy Maju Sandu.
