U Homieli sud źmienšyŭ 19-hadovaj dziaŭčynie, što znachodzicca pad aryštam, pakarańnie na vosiem sutak
Homielski abłasny sud 11 listapada razhladaŭ skarhi žycharoŭ rehijonu na štrafy i aryšt za ŭdzieł u akcyjach pratestu. Pieravažnaja bolšaść skarhaŭ pakinuta biez zadavalnieńnia. Tolki sudździa Vasil Biahun źmianiŭ rašeńnie suda Centralnaha rajona Homiela ab pakarańni za ŭdzieł u akcyi pratestu dla 19-hadovaj Darji Ziamlanskaj, skaraciŭšy termin aryštu z 15 sutak da siami, paviedamlajuć Mocnyja naviny.
Dziaŭčyna znachodzicca ŭ izalatary časovaha ŭtrymańnia.
Rašeńnie ab 15-sutačnym aryšcie Ziamlanskaj vynies 16 kastryčnika sudździa Viktar Kazačok. Adrazu dziaŭčynu ŭ IČU nie zabrali, bo, pa słovach sudździ, nie było kanvoju. Jana padała skarhu ŭ Homielski abłasny sud.
Dziaŭčyna znachodziłasia na voli da 6 listapada. U toj dzień jana pajšła ŭ bank i nie viarnułasia — była zatrymanaja milicyjaj i źmieščanaja ŭ IČU dla adbyćcia pakarańnia.
15 kastryčnika za ŭdzieł u akcyi pratestu sud aštrafavaŭ na 10 bazavych vieličyń (270 rubloŭ) Natallu Ziamlanskuju — maci Darji.
