ABSIE: Jość nieabvieržnyja dokazy taho, što prezidenckija vybary ŭ Biełarusi byli sfalsifikavanyja
Uładam Biełarusi rekamiendujecca admianić vyniki prezidenckich vybaraŭ 9 žniŭnia 2020 hoda z-za parušeńniaŭ, jakija, jak śćviardžajecca ŭ dakładzie pryznačanaha ŭ ramkach Maskoŭskaha miechanizmu dakładčyka ABSIE Volfhanha Bieniedeka, mieli miesca na ŭsich etapach, i arhanizavać «novy elektaralny praces na asnovie mižnarodnych standartaŭ», piša TASS.
Akramia taho, Minsku rekamiendujecca svoječasova zaprasić dla nazirańnia za vybarami misiju Biuro pa demakratyčnych instytutach i pravach čałavieka (BDIPČ) ABSIE, harantavać udzieł usich pradstaŭnikoŭ hramadskaści ŭ vybarčych kamisijach, kab jany zmahli niezaležna vykonvać svaje funkcyi, i pryvieści vybarčaje prava ŭ adpaviednaść sa standartami, rekamiendavanymi BDIPČ ABSIE i AAN.
«U jakaści ahulnaha vyvadu jość nieabvieržnyja dokazy taho, što prezidenckija vybary 9 žniŭnia 2020 hoda byli sfalsifikavanyja i što biełaruskija siły biaśpieki ździajśniali masavyja i sistematyčnyja parušeńni pravoŭ čałavieka ŭ adkaz na mirnyja demanstracyi i pratesty», — havorycca ŭ abjomnym dakumiencie na 58 staronak.
Dakładčyk robić vysnovu, što prezidenckija vybary mieli vidavočnyja niedachopy, jakija nie adpaviadali asnoŭnym patrabavańniam.
